متفرقات
*بدي احكي كلمتي دردشة*/بقلم شاعر الميناء الشعبي الأستاذ مصطفى غنوم
بدي احكي كلمتي دردشة
وارجع بشوارع بيروت أمشي
اتفقد سكانها
اتطلع عبنيانها
مطرح ما جدي أشتغل بالورشة
شفت غيمة مشحورة
غطت عالشمس المنورة
بمساكب ورد كانت مسورة
عكل الوطن من عطرهم ترشي
شفت البور بغير صورة
العنابر صارت بورة
شوارع كانت مشهورة
بشوارعها الردم مش قادر تمشي
هيدي مش مدينة فيها سكان
هيدي للسهر خلقت بزمان
هي كانت تجمع شمل الخلان
عروس بجنازتها صرنا نمشي
راجعة بيروت العتيقة
راجعه تحكي كل الحقيقة
راجعه أسرارها الغميقة
لكل الناس أسرارها تفشي
شاعر الميناء الشعبي مصطفى غنوم
