الكاتب العربي كامل النصيرات من الاردن يفرح بالكلمات والوان فلسطين
*_نار الله الكَبْرى_*
&&&&
يُمّا رُشّي سُكّرْ عَ الموتْ. خلّي السابعْ من تشرينْ. يلعبْ بيتِ بيوتْ. ويكبرْ ويفوتْ. طوفان الأقصى تلحينْ. برقِ وْ رعدْ. برّ وبحرّ وجوّ وبَعْد وْ بعْد وبَعْدْ. خلّي طفل البسكاليتْ. يهجم من بيت لبيتْ.
شفناهم يُمّا. شفناهم لمّا. سكت العالم عن شهدا؛ وأسرى؛ وجرحى؛ وزنازينْ. شفناهم. واللهْ شفناهم. نار ودخنهْ وغَبْرهْ. شفناهم نار الله الكَبْرى. شفناهم والعِبرهْ:. سبعهْ وستّينْ. باسوا أرض النكبهْ. داسوا عرض المغرورهْ. خلّوا دمّ الميركافا للركبهْ.
من غزّة قامت. ما نامتْ. والعِبرهْ المشهوره:. ما حدّ أحسن من حدْ. خشّ السبت بـ.. وبعدهُ الحَدْ. هذا ردّ اولادِكْ يُمّا. في العتمهْ والنجمهْ تهاهي. في الظُّهر الحمرا . والشمس تعانقْ طوفان الردّ. بحر وجوّ وبرّْ . أوّل مرّهْ يمّا هيك نكُرّ.. أوّل مرهْ هيك نْحُرّْ. نهجمْ ع المغرورهْ وما نرتدْ. هذا الشوب اللابس دشداشهْ. شفناهم عَ الشاشهْ وشاشهْ وشاشهْ. شفناهم من غير المِعطَفْ لبّاس البردْ.
يا يُمّا غنّي مواويِلِكْ. حقِّكْ بالصاعِ الوافي يجيلِكْ. حقِّكْ في البيت وفي الشارعْ. حقّكْ بالنصر الفارعْ دارِعْ. حقّكْ من عالم مش سامعْ. حقّكْ بالطوفان الما يرحَمْ. حتّى يخلّي الماردْ عند اقدامكْ راكعْ.
يُمّا يا يُمّا . شويّة صبر وشهدا وجرحى. شويّة دُور بتتخرّبْ . شويّة نار بتكوينا. تيجي الفرحهْ. وتشقّ صفوف الكذّابينْ.الباعوا فلسطينْ. الحطّوا كلّ البيض بسلّة مين؟. سلّةْ صهيونيّهْ مغتَصبينْ. لكنْ يُمّا. جاهم تشرينْ. طوفان الأقصى الواضحْ. لا يرحم يُمّا أو حتى يلينْ.
بعد السابع من تشرين الأوّلْ. كل شي تحوّلْ. كل شي تبدّلْ. واللي ما يشوف الطوفان الجارفْ. أعمى ماشي مع أحولْ.
&&&&
*_كامل النصيرات_*
المقال المنشور اليوم في جريدة الدستور
للتواصل على الواتس (٠٧٩٩١٣٧٠٤٨)
*_(( ملاحظة مهمّة: المقالات تعبّر عن وجهة نظر الكاتب فقط ولا تشتبك أو تتصارع مع وجهات النظر المخالفة لها بل تحترمها ))_*