الرئيسية / القطاع الثقافي / أداب وفنون / كلوا عمبيسألنا ليش ؟؟بقلم الشاعرة آية ناصر

كلوا عمبيسألنا ليش ؟؟بقلم الشاعرة آية ناصر

كلّو عميسألنا ليش
نحن منقدّس عكّار
لأنّا خزّان الجيش
ودمّا حامي متل النار
ورجالا كلّن فرسان
زيّنو بدمّن لبنان
افْتِخرو بكرم عصفور
عندقت عيّات وحرار

مين المابيعرف لؤي؟
ما صرلو شهر عرسو
كان رفيق الكل وخَي
صعبة عالعالم ينسو
بعد شهر بالكمال
استشهد بطل الأبطال
استشهد عريس الوطن
عا إيد واحد غدّار

ما تبكي يا إم نهاد
ابنك رايح عالجنّة
تاركلك أربع ولاد
بيفتخرو ببيّن هنّي
يا شان افتخري بإبنِك
ما بدنا نقشع حِزنك
علّي صوت الزغاريد
الشهادة تاج الأحرار

شربل جبيلي عريف
من بلدة كرم عصفور
عمرو ما بعمر الخريف
عمرو بعمر الزهور
وأنطوني تقلا رفيقن
طريقو من طريقن
فلّو مع بعضن بكير
عاشو كبار وماتو كبار
كنائس وجوامع
حجار بيوت وشوارع
ضوّو شموع وصلّو كتير
الله يرحمكن يا كبار
درع الحماية يا جيش
جيش بلادي يا مغوار!

آية ناصر

شاهد أيضاً

قصيدة ” احتاج ان ابكي كثيرا “

أحتاج أن أبكي كثيرًا حتى ألفظ كلّ حزنٍ يتملّكني .. أحتاجُ أن أغمد وردةً في …